PRAYBEYT BENJAMIN

Naging isa sa pinaka sikat at pinaka kumitang pelikula sa Pilipinas ang Preybeyt Benjamin. Noong ipinanood ko ang pelikula, wala naman akong nakitang bago o espisyal sa pelikula. Naaliw at natawa lang ako sa katatawanan at mga nakaka-uyam na mga linya ni Vice Ganda. Nakaugnay ako sa kaniyang katatawanan dahil ganun na ganun din kami sa aming magbabarkada.

Halimbawa # 1

Guro: “Turn your book to p. 307.”

Kaklase # 1: “Ma’am anong gagawin po naming dito? Babasahin”

Kaklase # 2: “Hindi, aamoyin!”

Halimbawa # 2 (galing sa pelikulang Petrang Kabayo)

“Sir, ipapasok ko na po bas a loob ang mga gamit?”

“Hindi! Ipasok mo sa labas!”

Ito ang tinatawag kong mga “Tanga Lang Moments.” Nakuha namin ito dahil sa impluwensiya ni Vice Ganda sa masa. Magmulang sumikat siya, naging patok na patok sa masa ang kaniyang nakakauyam na mga linya at biro.  

Naging matagumpay ang pelikulang Preybeyt Benjamin dahil marami sa masang Pilipino ang natutuwa at naaaliw sa ganitong klaseng katatawanan ni Vice Ganda. Palaging siyang pinag-uusapan at higit pa man, palagi din siyang nagiging trending topic sa mga social media site katulad ng Twitter. Marahil ito dahil naiiba kasi ang katatawanan ni Vice Ganda kaya sinubaybayan siya araw-araw sa Showtime at tuwing Linggo sa Gandang Gabi Vice. Milyon-milyon ang kaniyang taga-hanga at taga-suporta. Hindi na pinapansin ang kaniyang sekswaliti at ang pagiging homoseksuwal niya dahil ang kaniyang katatawanan ang hinahabol ng masa. Naging katanggap-tanggap na para sa masa ang kaniyang pagiging bading at ito ang ipinaghuhugutan nila ng aliw.